Espumisan Emulsion me pika

Espumisan në trajtën e pikave për përdorim nga goja është një produkt mjekësor i mirënjohur dhe i provuar që përdoret për trajtimin simptomatik të çrregullimeve gastrointestinale të lidhura me grumbullimin e gazrave të tepërt, p.sh. dhimbjes së barkut tek foshnjat (kolikës infantile). Lënda vepruese e Espumisan është simetikoni. Simetikoni vepron duke pakësuar tensionin sipërfaqësor të flluskave të gazrave dhe në këtë mënyrë ato përthithen më me lehtësi nga muret e zorrëve ose largohen nga trakti gastrointestinal përmes funksionit normal të tij.

Lënda vepruese: simetikon 40 mg/ml, emulsion për përdorim nga goja, shpërbën dhe shpërndan me efikasitet gazrat e grumbulluar në traktin gastrointestinal, duke pakësuar në këtë mënyrë ndjesinë e fryrjes dhe të presionit në bark.

Përdorimet:

• Për trajtimin simptomatik të ankesave gastrointestinale të cilat lidhen me krijimin e shtuar të gazrave, si p.sh. flatulenca apo meteorizmi (fryrja e barkut nga gazrat dhe nxjerrja e tepruar e tyre) dhe kolikat abdominale të foshnjave (dhimbjet e barkut të muajit të tretë).
• Për pëgatitjen e të sëmurëve që do t’i nënshtrohen ekzaminimeve me rreze X ( radiografike), sonografike (Eko) ose gastroskopike në regjionin abdominal (organeve të barkut).
• Si agjentë kundër krijimit të bulëzave të gazrave në rastet e helmimit me lëndë detergjente.

Veçoritë e produktit:

• Nuk përmban sheqer dhe mund të përdoret nga pacientët diabetikë ose që vuajnë nga çrregullime të ushqyerjes.
• Simetikoni vepron lokalisht, pra nuk ka veprim sistemik, dhe në këtë mënyrë mund të përdoret së bashku me barna të tjerë.
• Një formë farmaceutike që përdoret me lehtësi në fëmijë.
• Pikat për përdorim nga goja kanë një aromë të këndshme bananeje.
• Nuk ka ndonjë kufizim për përdorimin e Espumisan gjatë shtatzënisë dhe në periudhën e ushqyerjes me gji të foshnjës.

Udhëzime mbi përdorimin

Tundeni shishen përpara përdorimit. Për të derdhur përmbajtjen, kthejeni shishen me kokë poshtë. Mund merret njëkohësisht me ushqimin ose pas vaktit ushqimor, si edhe përpara gjumit në rastet kur është e nevojshme. Kohëzgjatja e trajtimit varet nga ecuria e ankesave/shqetësimeve. Kur është e nevojshme, Espumisan mund të përdoret për një periudhë të gjatë kohore.

Dozimi i zakonshëm është:

• Foshnjat: 25 pika (të barabarta me 1 ml) në çdo shishe të ushqimit ose përpara apo pas çdo ushqyerje me gji.
• Fëmijët 1 deri 6 vjeç: 25 pika (të barabarta me 1 ml) 3 deri 5 herë në ditë.
• Fëmijët 6 deri 14 vjeç: 25 deri 50 pika (të barabarta me 1 deri 2 ml) 3 deri 5 herë në ditë.
• Të rriturit: 50 pika (të barabarta me 2 ml) 3 deri 5 herë në ditë.

Të ruhet në temperaturë nën 30° C. Të mbahet në vende që nuk shihen dhe nuk arrihen prej fëmijëve.